وأنا فيكى أعيش مخنوق من الأحوال
وأرحل وأعبِّى فى الزكايب مَال
وأبُص فى مرايتى على روحي
أتمنى نرجع أنا وهيّ عِيال
*****
تِعْرَفْ يا صاحبى إن البلد هيبة
حتّى الفشل جوّاها مِش خيبة
ومرضى وأنا فيها مهوش علّة
وف عز جاهي بيراودنى سؤال!هيفيد بإيه المال وأنا لوحدى
وعزوتى مهياش قصاد عينى؟
والفرق ايه بين مهدى أو لحدى
وحالى ليه مش راضى يرضينى؟
هيا الحياه فى بلدى وأنا محنى
أكرمْلِى ولّا الغُربه وأنا ميت؟
لَو بس بلدى تقِيمنى وتصونّى
وأحس وأنا فيها براحة البال
الأرض ملكى..والزمن زمنى كان إيه هيفتح للفراق دا مجال
**** ****
ينفع يا بلدى مشوفش عيالى غير مرّة
ويلف بيا العام والتانى وأنا بره
وأختى تكبَر وأما تتجوز
أشوف شريط الزَّفّة من بره
*****
أمانة يا صديقى ولمّا أموت
تدفنِّى فى ترابها ولو فى سكوت
وتسيبلى عِينى مِفَتَّحَه عَليها
يمْكن أشوف فيها الحَياة بالموت
تدفنِّى فى ترابها ولو فى سكوت
وتسيبلى عِينى مِفَتَّحَه عَليها
يمْكن أشوف فيها الحَياة بالموت
ليست هناك تعليقات:
إرسال تعليق