1.
يا مصر فاكراني؟
أنا الي يوم ما خانوكِ ...كنت أنا أَمْنِك...
ويوم ما دَبحوكِ ... كنت أنا حِلمك ...
ويوم ما نَزفوا ولادك
على كِتفي إترموا ...
وفي قلبي احتموا...
ويوم ما قَطَعوا شرايينك...
كنت قلبك النابِض..
ويوم ما استَخَبوا في الجُحور ...
كنت أنا رابِض ...
قاسيت كتير لَجل ما تنامي في أمان...
فاكرة زمان؟
أنا اللي شِلتك فِ العيون نِجماية ...
ولفينا البلاد...
ورغم سنين السهر والتعب .. فيكِ
عنك كرهت البعاد...
حَبيت أجيبلك كل غالي
وأتمني أسهرلك ليالي
وطول ماليا عمر..
هأفني عمري ...
أداوي في جراحك
يا ترى فاكراني؟
أنا الحكيم إللّي علمتيه إزاي يداوي...
والإبن الوفي الهادي حَرّيف الغناوي ...
أنا القُطن ورُباط الشّاش...
يوم الضرب بالرَشّاش
أنا مشرط في وِش المرض مَرفوع
أنا عِلم السِنين اللي مات مِ الجوع
أنا المُضاد الحَيوي
وأنا المَصل
أنا أوِّل وتَاني الفَصل
أنا العيل الدحيح... إلّي مَبيعشقشي عيون غيرك
واللي انتي مستخسرة فيه يِدُوق حَبّه مِن خيرك
وبَرضُه بيحبك
2.
يا بلادي
أنا مين؟ أنا فين؟
أنا مش معاهم .. أنا معاكِ
أنا إنسان
بعشق حياتي في سماكِ
وبحلم أعيش في أمان
أنا التحريري اللي كُنت في الميدان
رغم استقراري طول عمري زمان
بس ثَوري وعارف مين إفترى وخان
صحيح كَنَبي وبخاف من الدُّخان
لكن وقت القَلق بَقَف أَسد في لِجان
...
أنا إعتصامي صحيح
مع إني بحب عيالي
ومحبش الهتافات
لكن لي صوت عالي
بيكسر الجدران
....
أنا سلفي أصيل لكن في الحقيقة
إخواني الفكر إبريلي الطريقة
بدقن ساعات .. لكن مش بَعُض
ولا بقطع وِدان
لِيبرالي ساعات في تفكيري
لكن مَيجُزشِ تَكفيري
وانا قلبي كُله إيمان
...
صحيح قلت "نعم" وعاوزين الأمان
لكني قلت "لأ" مش هقبلك يا هوان
كُلّنا في المَركِب العايمة
كُلّنا تايهين وفي الضلمة
لو سِبنا دَفّتنا
والفُرقَه طالتنا
لا قولة "نعم" هَتفيد ... ولا هَنلحق نقول "لأه"
ده بين الحَذر والخُوف .. يادوب دقه..
وبين الشجاعة والغباء ... زَقّه
وأهُه كلنا غرقان
...
يا مصر
أنا معاكي ومش هَسيب حُضنِك
أنا المصري .. أنا ابنك
هَكون لِمين غيرك
لو كُل يوم هنزف .. مانيش بعيد عنك
وأهه كُله مِن خيرك
حَبِّة أَمَل .. حَبِّة عَمَل
حَبِّة جِراح وهَتِندَمَل
خَطوة .. وخَطوتين
خطوه كمان...
هنحققك يا حِلمنا الحيران
يا مصر فاكراني؟
أنا الي يوم ما خانوكِ ...كنت أنا أَمْنِك...
ويوم ما دَبحوكِ ... كنت أنا حِلمك ...
ويوم ما نَزفوا ولادك
على كِتفي إترموا ...
وفي قلبي احتموا...
ويوم ما قَطَعوا شرايينك...
كنت قلبك النابِض..
ويوم ما استَخَبوا في الجُحور ...
كنت أنا رابِض ...
قاسيت كتير لَجل ما تنامي في أمان...
فاكرة زمان؟
أنا اللي شِلتك فِ العيون نِجماية ...
ولفينا البلاد...
ورغم سنين السهر والتعب .. فيكِ
عنك كرهت البعاد...
حَبيت أجيبلك كل غالي
وأتمني أسهرلك ليالي
وطول ماليا عمر..
هأفني عمري ...
أداوي في جراحك
يا ترى فاكراني؟
أنا الحكيم إللّي علمتيه إزاي يداوي...
والإبن الوفي الهادي حَرّيف الغناوي ...
أنا القُطن ورُباط الشّاش...
يوم الضرب بالرَشّاش
أنا مشرط في وِش المرض مَرفوع
أنا عِلم السِنين اللي مات مِ الجوع
أنا المُضاد الحَيوي
وأنا المَصل
أنا أوِّل وتَاني الفَصل
أنا العيل الدحيح... إلّي مَبيعشقشي عيون غيرك
واللي انتي مستخسرة فيه يِدُوق حَبّه مِن خيرك
وبَرضُه بيحبك
2.
يا بلادي
أنا مين؟ أنا فين؟
أنا مش معاهم .. أنا معاكِ
أنا إنسان
بعشق حياتي في سماكِ
وبحلم أعيش في أمان
أنا التحريري اللي كُنت في الميدان
رغم استقراري طول عمري زمان
بس ثَوري وعارف مين إفترى وخان
صحيح كَنَبي وبخاف من الدُّخان
لكن وقت القَلق بَقَف أَسد في لِجان
...
أنا إعتصامي صحيح
مع إني بحب عيالي
ومحبش الهتافات
لكن لي صوت عالي
بيكسر الجدران
....
أنا سلفي أصيل لكن في الحقيقة
إخواني الفكر إبريلي الطريقة
بدقن ساعات .. لكن مش بَعُض
ولا بقطع وِدان
لِيبرالي ساعات في تفكيري
لكن مَيجُزشِ تَكفيري
وانا قلبي كُله إيمان
...
صحيح قلت "نعم" وعاوزين الأمان
لكني قلت "لأ" مش هقبلك يا هوان
كُلّنا في المَركِب العايمة
كُلّنا تايهين وفي الضلمة
لو سِبنا دَفّتنا
والفُرقَه طالتنا
لا قولة "نعم" هَتفيد ... ولا هَنلحق نقول "لأه"
ده بين الحَذر والخُوف .. يادوب دقه..
وبين الشجاعة والغباء ... زَقّه
وأهُه كلنا غرقان
...
يا مصر
أنا معاكي ومش هَسيب حُضنِك
أنا المصري .. أنا ابنك
هَكون لِمين غيرك
لو كُل يوم هنزف .. مانيش بعيد عنك
وأهه كُله مِن خيرك
حَبِّة أَمَل .. حَبِّة عَمَل
حَبِّة جِراح وهَتِندَمَل
خَطوة .. وخَطوتين
خطوه كمان...
هنحققك يا حِلمنا الحيران
ليست هناك تعليقات:
إرسال تعليق