أصحابي
اللي كانوا قريبين مني
اتفرقوا ع الدروب
ورجعوا ناس تانيين
بيتكلموا بلغات غريبة
وأنا لسه قاعد ع المصطبة
قدام بيتنا القديم
اللي اتشرخت حيطانه
من كتر شيل الهموم والذكريات
ولسه باكتب شعر
***
لحد إمتى
ح افضل قاعد كده
تشدني الأيام بحبل ليف مكسور
وتمرر بين ضلوعي ذكريات
قرّبت أنساها
ــ صورة باهتة لبنت حبيتها زمان
وهي ما حبتنيش
ــ شجرة التوت اللي مايلة
في طريق المدرسة الابتدائي
ــ حصان الطين .. وزمّارات البوص
يااااااه
قاعد هنا بش مش فاكر
من قد إيه بالظبط ؟
على شط صحرا
آخر حدودها الريح
كل شوية أرمي صنّارتي
ودايما موج الرمال عالي
ولما غمزت .. سحبتها
طلعت بحلم جريح
***
إمتى يا شجر التوت
ح تنضّف أراضي الوحدة
م الكوابيس
وارجع أقابل حبيبتي زي زمان
ولما نحضن بعض
تنزل دموع القمر
على عتمة الشارع
اشمعنى انا
مش عارف أعدي الطريق وحدي
واشمعنى أرض الحلم
بتخضّر قوام بالشوك
مدد يا شجرة الصبّار
اللي كانوا قريبين مني
اتفرقوا ع الدروب
ورجعوا ناس تانيين
بيتكلموا بلغات غريبة
وأنا لسه قاعد ع المصطبة
قدام بيتنا القديم
اللي اتشرخت حيطانه
من كتر شيل الهموم والذكريات
ولسه باكتب شعر
***
لحد إمتى
ح افضل قاعد كده
تشدني الأيام بحبل ليف مكسور
وتمرر بين ضلوعي ذكريات
قرّبت أنساها
ــ صورة باهتة لبنت حبيتها زمان
وهي ما حبتنيش
ــ شجرة التوت اللي مايلة
في طريق المدرسة الابتدائي
ــ حصان الطين .. وزمّارات البوص
يااااااه
قاعد هنا بش مش فاكر
من قد إيه بالظبط ؟
على شط صحرا
آخر حدودها الريح
كل شوية أرمي صنّارتي
ودايما موج الرمال عالي
ولما غمزت .. سحبتها
طلعت بحلم جريح
***
إمتى يا شجر التوت
ح تنضّف أراضي الوحدة
م الكوابيس
وارجع أقابل حبيبتي زي زمان
ولما نحضن بعض
تنزل دموع القمر
على عتمة الشارع
اشمعنى انا
مش عارف أعدي الطريق وحدي
واشمعنى أرض الحلم
بتخضّر قوام بالشوك
مدد يا شجرة الصبّار
ليست هناك تعليقات:
إرسال تعليق