شوق
بينى وبينك
كام طلعة شمس؟
بينى وبينك
كام زقزقة عصفور؟
بينى وبينك
عقلى هايشت منّى
ولوسبته
هايشق الحيطان
وهايهد
بجد السور
بينى وبينك
نفسى أحضن عطرك
وألفّ جسمى
حبل على جسمك
وبأيدى
ياحبيبتى
أطفّى النّور ..
الحرية
النيل زفّر
وزرزوره على وش الميّة
بيرتجف رجف ..
والنجوم إتطفت
ووقعت على رجلى
وأنا بارتعش ع الحرف ..
والحرية عربية
جاية هاجمة عليّا
ولسان حالها بيقول:
أنتبه
السيارة
ترجع إلى الخلف !!!!
حبل المشنقة
حبل المشنقة
هوالموت
لو أخدت بيه تطويحة ..
حبل المشنقة
هو الحياة
لو عملته مرجيحة..
حبل المشنقة
ممكن يكون
شرخ فى أرواح البشر
وممكن يكون
فستان
وعطر
وروج
وتسريحة ..
طرح الأرض
اتمسحت الصّورة
من قدّام عينيّه
والشّروق اختلط بالأفول ..
وما عادشى
طرح أرضنا السّمرة
ع يفكّرنى بالمواسم
ولا عاد حتّى
ع يفكّرنى بالفصول !!!
البنت الفايرة
البنت الفايرة
أم البدن
ماشى ع يرعص ..
أول ما شافها
قلبى عصانى
وبدال ما يصلى
لقيته ع يرقص !!
ابتزاز
ياللى أخدت
ع الإبتزاز والضّغط ..
وحققت أحلام كتيرة
مرة بالجملة
ومرّات بالفرط..
حاسب شوية
وارجع تانى عادى
أرجع
وبلاش تمادى
وإلا هاتلاقى نفسك
واقف فى وسط الزحام
وأنت
عريان ملط !!!
سقوط المجاز
المفسدين فى الأرض
لبسوا وش الملايكة
واستغلوا مرونة الصلصال
والمبدأ الهزاز..
وطلوا علينا
طلة بجحة كلها استفزاز..
ف أصرخوا
لمّا يخلّوا الفيلسوف تلميذ
والمفسد هو المصلح الأستاذ
وأصرخوا
وسموا العهر عهر
والطهر طهر
لما الحقيقة تتخلط بالزيف
واللبن بالبراز
ويا ريت تقولوا معايا بعلو الصوت:
دلوقتى لازم
تسقط لغة الرمز
دلوقتى لازم
تسقط لغة المجاز!!
العُرْي
قالت:
العري مش ف اللبس
العرى عري الروح
وهي غمضة عين
ولقيتها قدامي
طير بريء مدبوح
تفرفط
والقلوب قاسية
تفرفط
والحياة ماشية
تفرفط
والجزار يتمحك فى السما
وقلبه لا فيه رحمة
ولا وشه فيه خشية
تفرفط
والكل يضحك
من الملك
للشعب
للحاشية !!
طب وقّف شوية ياعهر
وقولي: أنت بتيجي
من قلوب بتلين بالمزيكا
ولا بتيجي من قلوب قاسية ؟!
ياللى دبحتوا البنت
وهى من الشمس الوضوح
وهى مية المزيكا
اللى بتداوي الجروح
وهى من الورد حبة العطر
وهي الكسوف
فى وشوش البنات البكر
وهي من الحنان
شوية الطبطبة اللى خشوا القلب
دبحتوها ليه
وليه تدبحوا زهور بكرة
بالسقيع
والبرد؟!
وهى إتعرّت
عشان ما تكشف
غبار الزيف
والكدب
وهى
اللى وقفت تحارب طواحين الهوا
وتتحدى رجالة شبه البنات القحب
وهى اللى لما شافت الدنيا مليانة نفاق
طلبت منها الطلاق
وراحت
زى جملة مزيكا حلوة
ترقص عريانة من زيفكم
ترقص مع هيباتيا اللى بتخوفكم
ترقص فوق موج البحر
فوق العطر
فوق ندى الفجر
وسابتكم إنتو ترقصوا
تحت بير السلم
وجوة الأقنعة
وورا الستاير السودا
وتحت سابع أرض
سابتكم فى أحضان الرذيلة
ورنة تليفونكم ترن :
اللهم استرنا فوق الأرض
وتحت الأرض
ويوم العرض
ياللى دبحتوا البنت
عشان أتعرت
طب ما أنتوا كمان
رغم كل الأقنعة
عريانين قصاد الرب
بينى وبينك
كام طلعة شمس؟
بينى وبينك
كام زقزقة عصفور؟
بينى وبينك
عقلى هايشت منّى
ولوسبته
هايشق الحيطان
وهايهد
بجد السور
بينى وبينك
نفسى أحضن عطرك
وألفّ جسمى
حبل على جسمك
وبأيدى
ياحبيبتى
أطفّى النّور ..
الحرية
النيل زفّر
وزرزوره على وش الميّة
بيرتجف رجف ..
والنجوم إتطفت
ووقعت على رجلى
وأنا بارتعش ع الحرف ..
والحرية عربية
جاية هاجمة عليّا
ولسان حالها بيقول:
أنتبه
السيارة
ترجع إلى الخلف !!!!
حبل المشنقة
حبل المشنقة
هوالموت
لو أخدت بيه تطويحة ..
حبل المشنقة
هو الحياة
لو عملته مرجيحة..
حبل المشنقة
ممكن يكون
شرخ فى أرواح البشر
وممكن يكون
فستان
وعطر
وروج
وتسريحة ..
طرح الأرض
اتمسحت الصّورة
من قدّام عينيّه
والشّروق اختلط بالأفول ..
وما عادشى
طرح أرضنا السّمرة
ع يفكّرنى بالمواسم
ولا عاد حتّى
ع يفكّرنى بالفصول !!!
البنت الفايرة
البنت الفايرة
أم البدن
ماشى ع يرعص ..
أول ما شافها
قلبى عصانى
وبدال ما يصلى
لقيته ع يرقص !!
ابتزاز
ياللى أخدت
ع الإبتزاز والضّغط ..
وحققت أحلام كتيرة
مرة بالجملة
ومرّات بالفرط..
حاسب شوية
وارجع تانى عادى
أرجع
وبلاش تمادى
وإلا هاتلاقى نفسك
واقف فى وسط الزحام
وأنت
عريان ملط !!!
سقوط المجاز
المفسدين فى الأرض
لبسوا وش الملايكة
واستغلوا مرونة الصلصال
والمبدأ الهزاز..
وطلوا علينا
طلة بجحة كلها استفزاز..
ف أصرخوا
لمّا يخلّوا الفيلسوف تلميذ
والمفسد هو المصلح الأستاذ
وأصرخوا
وسموا العهر عهر
والطهر طهر
لما الحقيقة تتخلط بالزيف
واللبن بالبراز
ويا ريت تقولوا معايا بعلو الصوت:
دلوقتى لازم
تسقط لغة الرمز
دلوقتى لازم
تسقط لغة المجاز!!
العُرْي
قالت:
العري مش ف اللبس
العرى عري الروح
وهي غمضة عين
ولقيتها قدامي
طير بريء مدبوح
تفرفط
والقلوب قاسية
تفرفط
والحياة ماشية
تفرفط
والجزار يتمحك فى السما
وقلبه لا فيه رحمة
ولا وشه فيه خشية
تفرفط
والكل يضحك
من الملك
للشعب
للحاشية !!
طب وقّف شوية ياعهر
وقولي: أنت بتيجي
من قلوب بتلين بالمزيكا
ولا بتيجي من قلوب قاسية ؟!
ياللى دبحتوا البنت
وهى من الشمس الوضوح
وهى مية المزيكا
اللى بتداوي الجروح
وهى من الورد حبة العطر
وهي الكسوف
فى وشوش البنات البكر
وهي من الحنان
شوية الطبطبة اللى خشوا القلب
دبحتوها ليه
وليه تدبحوا زهور بكرة
بالسقيع
والبرد؟!
وهى إتعرّت
عشان ما تكشف
غبار الزيف
والكدب
وهى
اللى وقفت تحارب طواحين الهوا
وتتحدى رجالة شبه البنات القحب
وهى اللى لما شافت الدنيا مليانة نفاق
طلبت منها الطلاق
وراحت
زى جملة مزيكا حلوة
ترقص عريانة من زيفكم
ترقص مع هيباتيا اللى بتخوفكم
ترقص فوق موج البحر
فوق العطر
فوق ندى الفجر
وسابتكم إنتو ترقصوا
تحت بير السلم
وجوة الأقنعة
وورا الستاير السودا
وتحت سابع أرض
سابتكم فى أحضان الرذيلة
ورنة تليفونكم ترن :
اللهم استرنا فوق الأرض
وتحت الأرض
ويوم العرض
ياللى دبحتوا البنت
عشان أتعرت
طب ما أنتوا كمان
رغم كل الأقنعة
عريانين قصاد الرب
ليست هناك تعليقات:
إرسال تعليق