أنا والشاي وأحلامي .. وطيف سارح
وحبة ذكريات بايتة من امبارح
ونعناع من تراب ستي
وغزلي في الحزين قطي
.. وأنا وإنتي
أنا والشاي وأحلامي وطيف سارح .. بيلهمني
وحبة ذكريات بايته من امبارح .. تكلمني
ونعناع من تراب ستي اللي دعيالي
وغزلي في الحزين قطي وراس مالي
.. وانا مالي
أنا والشاي وأحلامي وطيف سارح بيلهمني .. أطير ازاي
وحبة ذكريات بايته من امبارح تكلمني .. عن اللي جاي
ونعناع من تراب ستي اللي دعيالي .. يباركلي
وغزلي في الحزين قطي وراس مالي .. بيضحكلي
.. ويندهلي
خيالي السارح السانح .. لِحِسّي انه ينتابه
ولو ردّ الهوى جايز .. ركايز قلبي يرتابوا
ويغتابوا ف عيوبي اللي بداريها
واغطيها بذات اللي يجليها
وانا اللي بذاتي متغطي
صحيح علّمني إلهامي أطير لكن .. نسي يمكن
فصيح الحرف من طرف اللسان يعلن
عن بدء رحلة حلمي للعالي
وانا في انتظار السلِّم الآلي
أخاف قبل الوصول ... ينزل
وماله طيفي ليه بيبعد .. ويصبح ف العيون باهت
وأحلامي اللي سانداني .. في أحضان السما تاهت
وليه السلم الآلي .. بينزل بعد ما بيطلع
وذكرايا اللي انستني .. بتسعِد قد ما بتوجع
وتِوصِل .. قد ما بتقطع
وأنا اللي ف خلوتي ب اسمع .. غناوي ستي ف الجنه
وبتمدد .. وبستنجد .. بما للرب من مِنّه
وبتلكع اذا عدّت قصاد الحلم حوريه
تنول الوجد من شعري ..
وأنول المجد بالنية
وأنا وقطي .. وشاي السلوة ف الخلوة
وإيه حيلتي .. سوى إحساسي بالحلوة
ومش باقي في شايي .. إلا كام شفطة
وقطي لمّا بيلاقي .. على بابي القديم قطة
بيجري من دفا يدي
وحبة ذكريات بايتة من امبارح
ونعناع من تراب ستي
وغزلي في الحزين قطي
.. وأنا وإنتي
أنا والشاي وأحلامي وطيف سارح .. بيلهمني
وحبة ذكريات بايته من امبارح .. تكلمني
ونعناع من تراب ستي اللي دعيالي
وغزلي في الحزين قطي وراس مالي
.. وانا مالي
أنا والشاي وأحلامي وطيف سارح بيلهمني .. أطير ازاي
وحبة ذكريات بايته من امبارح تكلمني .. عن اللي جاي
ونعناع من تراب ستي اللي دعيالي .. يباركلي
وغزلي في الحزين قطي وراس مالي .. بيضحكلي
.. ويندهلي
خيالي السارح السانح .. لِحِسّي انه ينتابه
ولو ردّ الهوى جايز .. ركايز قلبي يرتابوا
ويغتابوا ف عيوبي اللي بداريها
واغطيها بذات اللي يجليها
وانا اللي بذاتي متغطي
صحيح علّمني إلهامي أطير لكن .. نسي يمكن
فصيح الحرف من طرف اللسان يعلن
عن بدء رحلة حلمي للعالي
وانا في انتظار السلِّم الآلي
أخاف قبل الوصول ... ينزل
وماله طيفي ليه بيبعد .. ويصبح ف العيون باهت
وأحلامي اللي سانداني .. في أحضان السما تاهت
وليه السلم الآلي .. بينزل بعد ما بيطلع
وذكرايا اللي انستني .. بتسعِد قد ما بتوجع
وتِوصِل .. قد ما بتقطع
وأنا اللي ف خلوتي ب اسمع .. غناوي ستي ف الجنه
وبتمدد .. وبستنجد .. بما للرب من مِنّه
وبتلكع اذا عدّت قصاد الحلم حوريه
تنول الوجد من شعري ..
وأنول المجد بالنية
وأنا وقطي .. وشاي السلوة ف الخلوة
وإيه حيلتي .. سوى إحساسي بالحلوة
ومش باقي في شايي .. إلا كام شفطة
وقطي لمّا بيلاقي .. على بابي القديم قطة
بيجري من دفا يدي
وأنا والشاي
وأنا لوحدي
وأنا لوحدي
ليست هناك تعليقات:
إرسال تعليق