المراية جايبة نصك
ونصك التاني اختفى
نظرة واحدة ... يد واحدة ... رٍجل واحدة
وودن واحدة ... ونص صدر ... ونص بطن
واحتمال دا نص عقلك
فين باقيتك؟
سيبته نايم فوق سريرك
سيبته يتمرغ فى خيرك
نص خير أو نص شر؟
افتكر نص افتكار
انتبه نص انتباه
ما يكونش زاغ منك وتاه
أو طفش من كُتر همّه
أو خدوه منك فى حبس
قطّعوه أو صفوا دمّه
أو نط من جسمك وفر
وأعتقل جوا المظاهرة
ما أنت يومها كنت ناوي
تمشى جنب الحيط وبس
هو اللي كبرها فى دماغك
وإللى قال لك ياخي حس
لمّا صابك ما أصابك
نصّي تاه فيكي يا مصر
محتمل قرّر يجاهد
ماهى كل أحلامه الجهاد
ضد ظلم الناس لناس
هو فين؟
يا ريتني فاكر
إحتمال راح الميدان
أوجات له طلقه أو عصاية
أو في حي الأربعين
أو اتقتل فى بورسعيد
أو فى القائد إبراهيم
أو تم أسره م العساكر
أشهد إنه كان معافر
من غير ورق يقدر يسافر
وكان ساعات بيبان لي كافر
بالقواعد والمظاهر والحواجز والأوامر
مع إنّى حسيت إنّه صادق وإنّه طاهر
......
افتكر – نص افتكار
انتبه – نص انتباه
...
مصر يا بنت الحلال:
نص ضايع – ضاااااااع
نص تايه – تاااااااا ه
.....
افتكرت – كرت
افتكر كر كرت كرت
..
كان ساعات يفضل يقول لي:
ياللي بتحب الحياه
ياللي راضي بذل نفسك
ياللي عايش جوا اسمك
ياللي بتبيع حتى جسمك
إنت مين ؟
نص تافه مستكين ؟
فين حقوقك اللي راحت ؟
حتى أحلامك ماطاحت
ونصك التاني اختفى
نظرة واحدة ... يد واحدة ... رٍجل واحدة
وودن واحدة ... ونص صدر ... ونص بطن
واحتمال دا نص عقلك
فين باقيتك؟
سيبته نايم فوق سريرك
سيبته يتمرغ فى خيرك
نص خير أو نص شر؟
افتكر نص افتكار
انتبه نص انتباه
ما يكونش زاغ منك وتاه
أو طفش من كُتر همّه
أو خدوه منك فى حبس
قطّعوه أو صفوا دمّه
أو نط من جسمك وفر
وأعتقل جوا المظاهرة
ما أنت يومها كنت ناوي
تمشى جنب الحيط وبس
هو اللي كبرها فى دماغك
وإللى قال لك ياخي حس
لمّا صابك ما أصابك
نصّي تاه فيكي يا مصر
محتمل قرّر يجاهد
ماهى كل أحلامه الجهاد
ضد ظلم الناس لناس
هو فين؟
يا ريتني فاكر
إحتمال راح الميدان
أوجات له طلقه أو عصاية
أو في حي الأربعين
أو اتقتل فى بورسعيد
أو فى القائد إبراهيم
أو تم أسره م العساكر
أشهد إنه كان معافر
من غير ورق يقدر يسافر
وكان ساعات بيبان لي كافر
بالقواعد والمظاهر والحواجز والأوامر
مع إنّى حسيت إنّه صادق وإنّه طاهر
......
افتكر – نص افتكار
انتبه – نص انتباه
...
مصر يا بنت الحلال:
نص ضايع – ضاااااااع
نص تايه – تاااااااا ه
.....
افتكرت – كرت
افتكر كر كرت كرت
..
كان ساعات يفضل يقول لي:
ياللي بتحب الحياه
ياللي راضي بذل نفسك
ياللي عايش جوا اسمك
ياللي بتبيع حتى جسمك
إنت مين ؟
نص تافه مستكين ؟
فين حقوقك اللي راحت ؟
حتى أحلامك ماطاحت
مافي يوم دافعت عنها
أو ساندت المظلومين .. إنت مين؟
....
نص شر
كان كلامه صحيح .. صحيح
كان جريح
يبقى قلبه نص قلبي
ما إحتملشي يعيش معايا
وما إحتملشي
تبقى صورته جنب صورتي فى المرايه
وما احتملشي
تبقى صورته
جنب صورتي
في المراية
القصيدة ينقصها الجزء الاخير منها ارجو نشره حتى يكتمل المعنى وهو
ردحذف: فين حقوقك اللي راحت ؟
: حتى أحلامك ماطاحت
.. مافي يوم دافعت عنها
: أو ساندت المظلومين .. إنت مين ؟
....
نص شر
كان كلامه صحيح .. صحيح
كان جريح
يبقى قلبه نص قلبي
ما إحتملشي يعيش معايا
وما إحتملشي
تبقى صورته جنب صورتي فى المرايه
وما إحتملشي
تبقى صورته
جنب صورتي
فى
المرايه
***********
شعر \ حسين الزعيري
تم التعديل.
حذف