وهي الدنيا لو ساعة
نقسّمها دقايق ليه؟!
ده زي القطر لو رحلة
نأجلّها بحِجة أيه؟!
وحتي العُمر لو غلطة..
ما تغلطها بقى وارتاح
وطوف الكون ونقي براح
تتوب من ذنب خوفك فيه
ما أنا بالذات..
حمولي الهم ده غِيّة
وجلد الذات..
بقى ليّا ملاغيّة
كأني سجين
وقلبُه ارتاح لسجّانه
ده لف سنين
وعقلُه دلّه لمكانه
ورافِض يوم يفرّط فيه
إرحل.. وفرّط فيه بقى
إرحم.. دماغك م الشقى
إفرحوا بس وخلاص
حتي لو طِلعِتْ فَشوش
ده الأمل هو الخلاص
إنتوا ليه ما بتحلموش!!
واليأس ده.. إضحَك عليه
* وهي الدنيا لو ساعة
ردحذفنقسّمها دقايق ليه
دى زي القطر لو رحلة
نأجلّها بحِجة أيه؟!
.
.
.
لقد تم التعديل.
حذف