أيام خدتنا وغربتنا وتهنا فيها
والدنيا ياما غلبتنا وشوفنا فيها
برغم كل اللي حصل أنا مش ناسيكي
برغم كل اللي حصل بشتاق إليكي
بتوحشيني
................
إنت انشغلتي بدنيا تانية وعايشة فيها
وعرفت انك ليكي أسرة وعايشة ليها
وأنا برضه عشت لأسرتي وأخلصت ليها
بس انتي كنت حالفه ليا ما تنسينيش
من يومها رحتي وغبتي عني ما شفتكيش
بتوحشيني
................
احنا ارتبطنا ببعضنا أيام قليلة
أيام قليله عشتها وفرحت بيها
والدنيا كانت جنتي طول ما انتي فيها
من يوم لقانا أنا لسه فاكر ضحكتك
لمسة ايديكي بحس بيها مش ناسيها
وف يوم وداعنا أنا لسه فاكر دمعتك
والرمش الأسمر لما كان بيخبي فيها
كانت ظروف قدرت تفرق حبنا بدعي عليها
ذكرى الفراق فضلت معايا أنا مش ناسيها
إذاي راح أنسى دمعتك ساعة الوداع
ولا هانسى رقة كلمتك بتقول وداع
إذاي راح أنسى أيام ف عمري ما تتنسيش
بتوحشيني
..........
أنا كل يوم أستنى طيفك في المنام حتى اسأليه
لو لسه فاكره حبنا إبقي إبعتيه
إبقي إبعتي طيفك أشوفه في المنام
هو حرام لو شفت طيفك ف المنام؟ دا طيف خيال
لو خايفه حد يحس بيكي ما تخفيش دا انتي ف منام
أنا نفسي اقولك ميت بحبك
ولو إني حبي ما يتوصفش بميت كلام
لو حتى هاقدر أوصفه ما يصحش إني أوصفه
مش حقي إني اوصفه
ولا حقي حتى اشوف خيالك في المنامبتوحشيني
ليست هناك تعليقات:
إرسال تعليق