دنيا ... مسرح بلا جمهور (شعر هند عادل محمود خطاب)

ماشيه فى سكه واقفه وسالكه
ضلمة وباين منها النور
الأرض الخضرة كلها بور
مهما تطول مهما هتقصر
برضوا سكه آخرها قبور
دنيا مسرح بلا جمهور
إجرى وسابق نافق رافق
علشان تاخد فيها الدور
مهما هتوصل .. مهما هتعلى .. مين هيصقف ؟!!
مش هتلاقى
أصلها دنيا بلا جمهور
دنيا حكاية .. بداية نهاية
مهما تطول برضوا هتخلص
إلحق صحَّحْ أى قصور
يمكن لسة فاضلك وقت
يمكن حتى تموت دلوقت
إلحق قبل ما ييجى عليك الدور
إلحق قبل ما يجى عليك الدور
أصلها مسرح بلا جمهور