مخلوق بسيط (شعر محمد كمال الدين إسماعيل)

مخلوق بسيط

لكن خيوطة معقدة

أوقات يكون سهل وحويط

وسعات يخاف مـ الفضفضة

عايش بيحلم بالبراح

لكن خيوطة مقيدة

وتملى بيلبى الندا

رافض يموت

أو يندفن بين الحوارى

والبيـــــوت

ويقضى باقى العمر فى

زقاق السكـــوت

مخلوق بيحلم بالحياة

فى ملامحه كام سكة وطريق

فـ عيونة فرحة

وقلبــه متغلف بضيـــق

الضيق سعات يصبح

بريــــــق

وسعات يخاف ضى النهار

القلب أبيض

والباقى من جسده مـرار

حبــة مــرار



علـى كـوم همـوم

وسكـة فاضيـة مـن الغيـوم

بيكملــوا المشــوار

مخلـوق بسيـط

الحزن فى عنيه ابتسامة

والفرحة بالنسبة له ضى

زهقان من الخوف والملامة

عايـز يحس بإنه حــي

أشواقه جوا القلب

نابضـــــة

علشان فى حبة ملهش

زي