زي جدران المعابد لونها باهت
وتتشاف طشاش
والكل دايخ في الرموز
*** *** ***
زي تلميذ ابتدائي
كان عدائي
... كان بيرسم جوه لوحته
حلم كان خايف يقوله
فجأه ينزل قطره الحبر عليها
تروح تبوظ
يومها يلعن في الحظوظ
*** *** ***
زي التحام الريح مع موجه الغضب اللي شايله في النفوس مليون وجع
متداريه في ابتسامه وكلمه " الحمد الله " وطبطه في وسط الزحام
الصمت سامع كل ترنيمة كنيسة في المدينة الفاضلة
وأجراس الحرس متلهفين على حكم يديهم أوامر بالتحرك للأمام
نحو تحرير العيون الدبلانين من الانكسار
حبة هزار وياها ملمح مالمبالغة المستفزة
*** *** ***
يسطو علي الدنيا اذان المغربيه
والليل بيفرش ضلمته
والأوده عتمه
ومفهش إلا روب حرير مدفي في عيون البشر ودم احمر
ومفهش غير لمسه خيانه في فيلم متوضي وطاهر
يصحي من نومه
يلاقي شئ غريب
وبلا مبالاه شديده
يحط ايده عالكاسيت
ويمسك ازازه البراندي
ودخان السيجاره والعيدان
اللي مالي كل شبر في المكان
يخنق الحلم اللي قاعد جوه منه
وبتقتل الممكن
يفتح شبابيك الظلام
يتضحله شئ غريب
انه في الشهر الكريم
ولا خيط يوصله للنجاه
*** *** ***
زي التحام الضعف مع ضغوط المعيشه
واللي عايش عمره كله عالقهاوي وفالبارات
واللي مستحلي السكات
واللي كل نشوته شيشه وحشيشه
يبقي لازم يرتجع عن حلمه
ويستسلم لجبروت الحياه
*** *** ***
زي سكر عالفرااخ
زي ملح علي الجيلاتي
زي كل حاجه في حياتي
وتتشاف طشاش
والكل دايخ في الرموز
*** *** ***
زي تلميذ ابتدائي
كان عدائي
... كان بيرسم جوه لوحته
حلم كان خايف يقوله
فجأه ينزل قطره الحبر عليها
تروح تبوظ
يومها يلعن في الحظوظ
*** *** ***
زي التحام الريح مع موجه الغضب اللي شايله في النفوس مليون وجع
متداريه في ابتسامه وكلمه " الحمد الله " وطبطه في وسط الزحام
الصمت سامع كل ترنيمة كنيسة في المدينة الفاضلة
وأجراس الحرس متلهفين على حكم يديهم أوامر بالتحرك للأمام
نحو تحرير العيون الدبلانين من الانكسار
حبة هزار وياها ملمح مالمبالغة المستفزة
*** *** ***
يسطو علي الدنيا اذان المغربيه
والليل بيفرش ضلمته
والأوده عتمه
ومفهش إلا روب حرير مدفي في عيون البشر ودم احمر
ومفهش غير لمسه خيانه في فيلم متوضي وطاهر
يصحي من نومه
يلاقي شئ غريب
وبلا مبالاه شديده
يحط ايده عالكاسيت
ويمسك ازازه البراندي
ودخان السيجاره والعيدان
اللي مالي كل شبر في المكان
يخنق الحلم اللي قاعد جوه منه
وبتقتل الممكن
يفتح شبابيك الظلام
يتضحله شئ غريب
انه في الشهر الكريم
ولا خيط يوصله للنجاه
*** *** ***
زي التحام الضعف مع ضغوط المعيشه
واللي عايش عمره كله عالقهاوي وفالبارات
واللي مستحلي السكات
واللي كل نشوته شيشه وحشيشه
يبقي لازم يرتجع عن حلمه
ويستسلم لجبروت الحياه
*** *** ***
زي سكر عالفرااخ
زي ملح علي الجيلاتي
زي كل حاجه في حياتي
ليست هناك تعليقات:
إرسال تعليق