قمر (تأليف محمد هيكل)

قمر ونازل م السما ليا...

ولما شوفته مادريتش إيه فيا...

سألته إيه اللي جابك يا قمر قال لي....

أنا جاي اشوف اللي انشغل بيا...

مين فينا يقدر يعرف المكتوب؟؟؟

قدر القلوب تعشق..وقدري أدوب...

يا ريت تقولي يا قمر ياللي...

خليتني أعشق نورك إزاي اتوب؟؟؟

سارح في صورتك يا قمر واضحك...

وكإني سامعك بتقولي..إعشقني...

ف عنيك في بحر بيشديني اوي ليك...

وغصب عني شوقي غرقني...

في الف حاجة خليتني مغرم بيك...

صوتك وحنيتك وحضن ايديك...

لو كنت ماعشقتكش هعشق مين؟؟؟

ده العشق كان في الاصل مخلوق ليك...

أجمل ما فيك..إن أنت واحد بس...

عالي وبعيد ومستحيل اللمس...

لكن انت رغم البعد مني قريب...

وكفاية وانته بعيد بِحُضنك أحس...