وأول ما حنبدي...............نسمى بسم الله
علشان البركة تيجى.............ونبدأ الحياة
واللى الشرط بدايته..........النور فى منتهاه
حيبقى ده اتفاقنا.............الأصل والاتجاه
الحب جمع قلوبنا...........دا فضل من الإله
دا اسمى ما ف حياتنا .....باشكر ربى ف علاه
وعشان عليه نحافظ.......... ويوصل للخلود
حيكون ده ميثاق ما بيننا .......نكتب فيه العهود
عايزاك هادي وحنون .......نبيل ولا يوم تخون
وان اختلفنا حاول....... تكون راسى...ورزين
علشان العقل زينة ........وحاكمنا أصول ودين
نتفاهم لو خلاف..............نتعاتب باحتراف
لو متنرفز حاسيبك......... ومش حارد حرف
تهدا ....نحكى....نناقش......نتعاتب و بشرف
و اللى غلطان حيرجع..........وبغلطه يعترف
خلافاتنا بيننا بس.........من غير ما حد يحس
و لا يوم يدخل ما بيننا... عزول يفتن....يدس
جنتنا هي بيتنا ............و حياتنا...مملكتنا
انت فيها الملك ...وولادنا .........همه قوتنا
وان يوم قلبك تحول .....مابقتش عايز تعيش
اوع تحاول تموه .........بالغش ما تقولليش
صدقنى مش حالومك ......وحالتمس لك عذر
و كفاية انك انت .........حاسس بتقل الوزر
ابعد شوية و احسب....... خطوة قدمك بعقل
ومش حاقولك الغى .......مشاعرك و الملل
فكر ف حياة جديدة.... انا مش موجودة فيها
جنة حلوة و سعيدة و نفسك ........بتلاقيها ؟؟
حكم قلبك و عقلك.... و انا كمان حاشوف
و اكيد حنحس بيها... مش حنسيبها لظروف
و اما تاخد قرارك ...على مهلك و احترس
و ان شا الله ربى يهدى......ولبيتك تلتمس
دا ميثاق حياة حتمضى.... عليه دقات قلوب
حياة نتمنى نلغى........من قاموسها العيوب
وان شا الله نبقى دايما أحباب على طول نعيش
ذكرى ف قلوب ولادنا ....للحب ..ما تنتهيش
ليست هناك تعليقات:
إرسال تعليق