أه بحبك وهنادى وهقولها بأعلى صوت
ما أنا بحبك يا بلادى ولحد يوم ما هموت
ما هو لازم تحسى بيا وتعرفى مين ابن بطنك
اللى ظهره اتقسم عشان يعرف يحميلك وطنك
بتقولى غالى عليكى واغلى ابن ليكى!!!!
وازاى عايزانى اصدق وانا ياما اتهنت فيكى؟؟؟
وحياة ما ياما اديت وعمرى ما استنيت
غير انى اشوفك عالية وتكونى ليا بيت
هتشوفى هعمل ايه رغم انى مش ابن البيه
ولا عارف اكون مسنود زى اخوانا ولاد الايه
لكنى رئيس بيكى ودستورى حبى فيكى
لانى بخاف عليكى ومين غيرى هيحميكى؟؟؟
كنت فاكر يا بلدى انى يئست منك
ولاقيت انى ماليش اى غنى عنك
فى حب مصر وتحريرها انا شفت وشوش غير الوشوش
يعنى ننسى اليأس والسلبية وان ده ليه فده مالوش
ما هو دم شهدا راح عشان تعيشى لينا
ارواح غالية يا مصر مش بس عليكى ده علينا
نزلوا يهتفوا بحبك وماهمهمش الموت
حلفوا ليرفعوا اسمك وينادوا بأعلى صوت
ومع أخر نفس فيهم وعلمك بين ايديهم
نزلت منهم دمعة بتقولك حتوحشيهم
هاجى اودعهم معاكى وانتى فى ارضك بتحفظيهم
عشان عليكى اطمنهم واطمن منك عليهم
يعنى ما راحش هدر دمهم وهيتحقق حلمهم
زى ما كانوا بيتمنوا انهم يشوفوا ارضهم
شايفك يا مصر بتوب جديد عارف يعنى ايه حرية
عاوز يدينى حقى بس اعمل انا اللى عليا
ووعد يا مصر ودين اشيلك جوا عنيا
من بعد ما صحت شمس الثورة احلامنا الفتية...........
ليست هناك تعليقات:
إرسال تعليق