لجل الوطن ..
لجل الشهيد
هتقوم عشانَك
هتقوم عشان رافضة تشوف
حد انتخبته ف يوم وهانك
وأفتكرت أنك هتبقى معاه سعيد
الثورة هتقوم من جديد
لجل الحياة
لجل الأمل
فـ عيون صبي
نزل الميدان .. يهتف
رافض أشوف
ذل وهوان
لكن الجبان .. علشان جبان
أخذ الصبي
حط الصبي
جوه اللُمان
عصفور بينشد من ورا
قضبان حديد
"الثورة هتقوم من جديد"
لجل المحبة والسلام
وحمام يرفرف
ويَا ترنيمة كنيسة
وقت الأدان
وشباب بيصرخ ف الميدان
الثورة
هتقوم من جديد
ليست هناك تعليقات:
إرسال تعليق