الحب (تأليف مصطفى طاهر إبراهيم)

صدقتي...     

إن اسمك مكتوب في بطاقتي

وشهادة إثبات تجنيدي

ولونك مش من مواليدي ولا من جيلي

ولاكنت بجيلك وتجيلي

لكنك لما تغنيلي......بتحليلي

حليلي العقدة اللي في زوري

مش جايز لما آخد دوري

اتعلم ازاي اتكلم وازاي ادفع مهرك فوري

وازاى ازااااى...ويادوب الرايح قد الجاااي

 فاذا كنت مخشتش مدارس

أو حتى خشيت الكتاتيب....لكن حسيّب

اتحدى تلتين الدنيا امُات كتُبات

لو عرفوا ايه قيمت الثانيه والوقت إن فات في تبات ونبات

 لوفهموا ان الاقلام ماتعلم قد ما بيعلم ظلم وقهر الأيام

لو فهموا ليه الإنسان فالقرن ال21 لية تايه وفإيدوا العنوان

ياخلق الله.....لو قولت آةةةةةةةةة حتطيبني دي ماتبقاش عيب

ماعيب الا اللي يعيبني وان جيت الدار من غير ما اجيب

ونشاني ان فات من غير ما يصيب

والزرعه لما يفوتها الدور...والبنت الحلوة لما تبور

وان كان عيبي ان الى فجيبي مايتخباش

ومانيش غشاش..ولابعرف اغير وشي زي بقيت لوشاش.....لكن عايش

فلا كل من ركب الحصان فارس

ولا كل من شال السلاح حارس

ولا كل من بحلق يكون بيشوف

مافارس الا اللي يعيش لناسه

ومايطاطيش راسه ويحب عالمكشوف

الحب فارس من سنين

رجع بهيه لدار ياسين..جايب لأدهم تار ابوة

الحب تلقوة لقمة للولاد..وهدوم جداد

 وكتاب عشان المدرسة الحب حاجة كويسة

 بالحب ممكن نوصل الزروة

 فالحب مش بيعه ولا شروة

 ولا كلمة فالدروة الحب عروة فرقبة المخلايق

 بتضمها على قد ما بتطيق

 وتفكها وقت الخناق مايضيق

 الحب انا وانت ودول الحب نعمة لو تزول

حتبات حياتنا مضلمة الحب نعمة مالسما ..تنزل تعمر فالبيوت

الحب معنى لو يموت....الكون يموت

الحب تلقوة بالعرق..مش فالدفاتر والورق ولا بالكلام

الحب غنيوة سلام...يعني إما تدخل فرشتك

من غير قلق  تعرف تناااااااااام.......