إجراءات أمنية (شعر مصطفى رمضان )

رسموا الفكرة
على ورقة كُراسةْ
أمر الوالي:
بجلد الفُرشة
وفرض حراسة!

الفيض يرمى لنا التسابيح (شعرفاتن شوقي علي)

النيل بيشق قلوب الناس البُسطا

يتدّفى ما بين ..

جدران الطُهر اللّى محاوطاهم

يتصّفى بنومته

ف حضن همومهم ويّا أساهم

ويطرطش حُبّه

على الباصين له بحُرقة وغيظ

"من غير براويز

البُعدا إياهم"

يتعشى معاهم

لقمة خير .. النبت الطالع

من غطسة بذرة ف قلب

بحور الرّى

من بعد عِجاف الروح .. والضىّ

دا النيل عطشان للحىّ

********

وهناك ..ع الشط التاني

تلاقي أماني .. تدلدل كل لسانها

يتحجر عجز ف قلب الشوق

اللي بيتمنى يزق بيبانها

والنيل أمواجه بتعلى ؛ تسد رياح التوهة

تتغرّب كل حواس الروح .. وتعدّى

وتعكّر صفو الشوقة

لسكون الحِلمْ المادد سيفه

على جَزْر الموج

اللى بيصرخ

(دا القَدْ ساعات يمتد لمد الشوف

لو عَشــّـقْ طِيفه المكتوف

مع صبر الدهر .. وتصاريفه

وساعات .. يتحد

بسد اليأس

الطالل من وش خريفه)

*******

عَمّال – النيل – بيعافر وحده لبتر لسان الزنّ

على الوجدان

والميّه .. بتعلى لفوق

مع طوق .. بينجي الغاطس فى الهذيان

بيئن النيل من توب الويل

المحشى عَكَّارة

والغارزة أنيابها فى جوفه

بكل مرارة –

بتفتش عن أمجاد الماضى

رموز .. وكنوز .. وأصالة

عمّالة ..

تصطاد العِشرة ..

بقشرة طُعم فى خيط سنـّارة

وتاريخ ..

يتبعتر على جنبيـنه

ولا ضفة بتحمى

ودَفِة جِلدة بتحفظ دينه

وجبينه .. يتحمّل سُوط الأسياد

النازل على خدينه

وبكل مهارة .. وحضارة .. تتبعزق بين الليْن ..

بشفاه نايمين

وهياج وصراخ حاقدين

م المارة

*****

دا النيل بهتان

من كُتر أيادى الشد لمجرى جديد

...... وعديد

ونحيب الموج

على حاضر كله وئيد .. ومكيد

دا الموج .. بيزق النيل

لأيادي الفاس الواقعة سُقوفها

والشمس تنادى سمار الحق

الساكن جوه كفوفها

دا النيل بيبلبط جوه معاني

طيبتهم اللي عارفها

متعّتق عمره ف ريحة ريفها

مشتاق الحلق لطعم رغيفها

الخارج من صهد الأفران

بإيمان..إنه لإنسان

دي قلوب ..

أشجار م الخير .. وحَفِيفها

بيناجي شطوطي .. لضمة ولمّة

أعشقها .. ألاطفها

يغطس وجداني ... في حضن الفافها

وجذور النور.. مغروزة في أرضي

وحالفة لتطلع ساحبة الخير

يتحدى النهش الشايع ..

إن البور..

متضفر ويا شبابي الوردي

وفي عز الحزن الماشي في ضل خريفهم

تلقاها عيشتهم

غرقانة في طميّي لحد شوشتهم

بتكون.. في ظلام الغش اللي نهبني

قمرايا...ونوايا.. بترش عليّا حماية

تِنْبت كورود جوايا

وأفيض .. وأبيد ...كل اللي يمد الإيد

علشان يقطفها

*****

دا ( لويس)

بعيونه الياما بينهب شطي

و(عويس)

وقيامة تقوم من منبع نبتي لحد مصبي

ودي عزوة توّحد فرّعيني

من كيد الفرقة وملاعبها

ما تاريخي تاعبها

والعِصمة بحبل الله.. أشباح

ترّعب أطمعها .. تخوّفها

برباط الحق .. تكّتفها

وسيوف الحق المصقولة بصفاء النيل

الطيبة بتسكن أنصالها...وبكيّفها

والقسوة تعدي ما بينهم على طراطيفها

دا أنين النيل من روحها خطفها

لصليل أهدافها

يتوضا البُرعم من نيليّ

ويزهّر حلم "المنصورة "

بجمال أسطورة بأوصافها

والناس البُسطا ... تحّدفها

لحقيقة منسوجة بفرحة

مع نصرة والحق لاففها

****

وطموح الروح ..

بيرفرف ويا البوح

ويشد النيل .... لبراح .... حنيّة

ويحُط خَضار.. فى قلوب الطين

المسقي بروحه ، ومروية

والضحكة.. تشق بجرح .. منابع فرح فى وش النيل

تحفر له ملامح مصرية

تلقاه ...

بيلملم توهته المبدورة

على سكك الحلم المقهورة

ويشق له مجرى جديد .. من تانى

فرحان وسعيد.. بالنومة فى حضن الجلابية

اللى محاوطاه ....بتروس وبمنّجل

بتحش الروس

الواقفة تهندس خطفه بغزة بَرْجَـلْ

وبإيد همجية

تتلم نفوس القمح وتغرق فيه

وتدوب ..مع توب ... الفطرة المتعّتق

والمغزول صبر بروح" أيوب" .

تهّزم له الليل فيتوب

مع أول بصّة

من عين أنوار الصُبحية

تنبت حضارات من روح النيل

وزهور .. وسنابل شادة الحيل

وعفيّة

وملاك الشمس يتوّب كـُفر المارة

بعكارة .. وأذية

وبريق الحق يشق سواد الزيف

ويفتت كل صخور العجز ...يزيح

يدّن فى ودان الصمت .. يصيح

وإيمانه يبيد .. أشرار الريح

****

والفيض .....

"يرمى لنا التسابيح "

وصلاة الموج

تُبدر لى العدل المتحنى

بدماء الشُهدا فى شرايينه

يتخلل شوقى بموازينه

يحصد لى الخير وبكّفينه

ويرش نقاء ..مع طلعة قوية وبهية

و"شعاع "

بيداعب صفوي بملاغية

يُوصل لى النور

بالخير

بالحرية

عندما سال النبيذ (شعر أمل عبد الحميد جاد الرب)

وارَتْ سوءةَ الوجد
ببكاءٍ مهزوم
سراً ..
ومن قبل ..
كان شَرَكٌ وديع
يقتنص الصبر
والمرونة الموسمية
وجهراً ..
تضحك كلؤلؤ بكر
فمزق ثوب وحدتها
واعتصر كتفى ريبتها
التهم شفاهاً غافلة
ودغدغ وردتين
نابتتين من قلبها
وبقسوة مدربة
دس خنجره عدة مرات
فى نبضها القديم
فسال السر والجهر معاً
نبيذاً معتقاَ
أثمل أخمصها حتى الموت

سخرية (شعر زينب محمد الدقاق)

إنها لسخرية
ألا تستطيع أن تكتئب
لأن الوقت لا يسمح
ألا تستطيع أن تبكي
لأن الفرصة لا تسنح
ألا تستطيع أن تمرض أو تمكث
في فراشك أو حتى تتأوه
ألا تستطيع أن تفشل
وإن أردت فلن تنجح

....................

إنها لسخرية
حينما يصبح التفكير رفاهية
متعة متاحة للخاصة
ينما يكون للتفكير حدود
وإن فكرت أكثر مما ينبغي
اتفقت أو اختلفت
اكتشفت أو كشفت
سواء عليك أهجيت أم مدحت
لقد فكرت ،وإن فكرت
خسئت....
خسرت....
كفرت.....
أصبحت أنت هو الشيطان
ملعون في كل الأديان


..............


إنها لسخرية
عندما يصبح الحب الأفلاطوني رفاهية
عندما لا يكون لديك وقت للشعور
بلوعة الحب أو روعته
لأنك في صراع مع الزمن
لأن مأساة الحب
هي - في نظر الجميع- أسهل المحن
لأن الحياة لا تعطيك الفرصة
لتُراجع أخطاءك قبل أن تمتحن
لأننا نرجو الموت
عد كل لحظات الألم
وعندما يأتى الأمل
يأتي الموت معه بغتة


.....................


إنها لسخرية
ولبئس الحياة هي
حينما تصبح الأساسيات
نمط من أنماط الرفاهية

الثلاثية (شعر ندا الشبراوي)

الأولة أيام والتانية أوهام والتالتة أحلام

الأولة أيام نحياها تحيانا

والتانية أوهام لابدة جوانا

والتالتة أحلام هى اللى تلقانا

الأولة أيام نحياها تحيانا بدم تقيل

والتانية أوهام لابدة جوانا نرددها بطول الليل

والتالتة أحلام هى اللى تلقانا فتغزل عشقنا مواويل

الأولة أيام نحياها تحيانا بدم تقيل وبنفارق فيها الأحباب

والتانية أوهام لابدة جوانا نرددها بطول الليل وبردو غراب

والتالتة أحلام هى اللى تلقانا فتغزل عشقنا مواويل وتنشدنا حروف ف جواب

الأولة أيام نحياها تحيانا بدم تقيل وبنفارق فيها الأحباب وبنعديها بالتيلة

والتانية أوهام لابدة جوانا نرددها بطول الليل وبردو غراب ومفيش ف أيدنا حيلة

والتالتة أحلام هى اللى تلقانا فتغزل عشقنا مواويل وتنشدنا حروف ف جواب وغنوة جميلة

الاولة أيام نحياها تحيانا بدم تقيل و بنفارق فيها الاحباب وبنعديها بالتيلة ونرجع تانى نهواها

والتانية أوهام لابده جوانا نرددها بطول الليل وبردو غراب ومفيش ف ايدنا حيلة وبنكمل طريقنا معاها

والتالتة أحلام هى اللى تلقانا فتغزل عشقنا مواويل و تنشدنا حروف ف جواب وغنوة جميلة وبدون سماع الخلق حفظاها

الأولة أيام نحياها تحيانا بدم تقيل وبنفارق فيها الأحباب وبنعديها بالتيلة ونرجع تانى نهواها وتهوانا

والتانية أوهام لابدة جوانا نرددها بطول الليل وبردو غراب ومفيش ف ايدنا حيله وبنكمل طريقنا معاها وتفضل بردو جوانا

والتالتة أحلام هى اللى تلقانا فتغزل عشقنا مواويل وتنشدنا حروف ف جواب وغنوة جميلة وبدون سماع الخلق حفظاها وحفظانا

الأولة أيام نحياها تحيانا بدم تقيل وبنفارق فيها الأحباب وبنعديها بالتيلة ونرجع تانى نهواها وتهوانا وتبقى يقين

والتانية أوهام لابدة جوانا نرددها بطول الليل وبردو غراب ومفيش ف إيدنا حيلة وبنكمل طريقنا معاها وتفضل بردو جوانا ويفضل رد قلبى أمين

والتالتة أحلام هى اللى تلقانا فتغزل عشقنا مواويل وتنشدنا حروف ف جواب وغنوة جميلة بدون سماع الخلق حفظاها وحفظانا كما الترانيم

 دي الأولة أيام والتانية أوهام والتالتة أحلام

*****

سامع صوتك (شعر مصطفى محمد رمضان عبد الكريم)

سامع صوتك
شامم عطرك
حاسس إنك هنا موجودة
لما بسيبك وأبعد عنك
بحلم إني هجيلك أضمك
أجيلك ألم الناس في رحابك
شايف روحي قتيل على بابك
شايل همك
وإنتي بعيدة
وأنا جواكي بدور عنك
سايبة صحابك
سايبة القلب الطيب يبكي
وناسية الحضن الدافي في بردك
شايفة الشفقة في عين أحبابك
دايقة الذل بإيد أولادك
حاسة الغدر وساكته إكمني
بقيت في سكوتي وذلي خبير
اللي يلاقي حبيبتي يقولي
أنا راح ألف الكون بصورتها
وأدور عنها
دي وحشت نيلها
حتى قمرها إتجنن فجأة
وسرقوا تاريخها
لازم أدور عنها وأجيبها
لازم أجيلها
حاسس إني بقرب منها
سامع صوتها
شامم عطر النيل في عرقها
حاسس بيها بترجع تاني
وهرقص على أنغام خطوتها

قصائد قصيرة (شعر فارس عبد الشافي عطية)

1-
السماء التي أفلتت من مداراتها لم تعد

فاسمحي للغلام ينام علي رئة الوقت

يقرأ ما يتيسر من سورة الليل والنجمة الفالتة



2-
السواقي علي مضض تنحني للغدير

السماء علي رغمها أمطرت

والرياح انتحار

والفتي...لاهثا في انتظار المصير



3-
رائعا كان

في الصبح يشرب شاياً

وفي الظهر يخلط موتا بماء

ليصنع خبز المساء

وأقبل منتصف الليل

عتق خبز المساء وشاي الصباح ...... ونام



4-
الجميلة شاردة

تتقي عبث الأمسيات بطفل يقاسمها ليلها في الخفا

يبيح الذي كان وال..... لم يكن

رائعا كان

مزدحما بالرجولة

راودته النهارات عن شمسها

فاستقل القطار إلى آخر الحزن

لكنهم غيبوه

فأضحي يطارحها سره في العلن