أوركسترا (شعر رمضان رزق عبد اللطيف أحمد)

آدى الولد..
مع عرض صامت للبشر
بيدق باب الملحمة
مع سيمفونية صغيرة


وبخطوتين..
يفتح ستار
يتعزفوا أوتار الوطن
يعَّري ضهره اللي اتجلد
أوركسترا

مشهد أسير وسط الشجن
أسلاك تقابل بعضها

الدم سايل ع الكفن
أوقات بيتلون غياب
وأوقات بيتلون تراب
وأوقات بيتلون وطن
لو تسمعونى يا خلق هووو
هحكى فـ حكاية بتنتهى
من قبل حتى ما تتولد
فـ حكاية ملت مُرها
وقضية زهقت مـ الحجر
ودموع بتعلن نحرها
على حلم دايب وانكسر
فـ صبية دارت ع البلاد
بتدق محتاجة لسند
ملقتش غير غارة
أطفال حجارة
بينادوا..يا أهل الحى
لسة المرور ممنوع
طفوا الشموع
وخبوا حلم الولا
صوت العساكر.. موت
مأوى البيوت صفارة
سكوووت
لأ...حكايتى لم تنتهى
لأ

يوسف
إخواته باعوا الدم
موسى
مسلمش من لحمه
إبنك
طول السنين يصرخ
وقت احتضار الأُم
اصرخى
دقى البيوت أوطان
يمكن يحس التراب
بأرض منسية
اصرخي
زيدى الوجع شطآن
يمكن يحن الدم
لأرض عربية
أًََََََصرخ
يا شعيع يا غزة يا دير ياسين
يا خليل يا أقصى شامان جنين
يا بلاد يا تايهة فـ المحن
يا عروسة نسيت عُرسها
وبدمعة بلت أرضها
يا صوت قنابل يرتوى
يا جرح شادد كالوتد
يا حكاية دايماً تبتدي

لساه الولد..
مع عرض صامت للبشر
بيدق باب الملحمة
مع سيمفونية صغيرة
وبخطوتين..
يفتح ستار
يتعزفوا أوتار الوطن
ويعَّري ضهره اللى اتجلد
أ و ر ك س ت ر ا

وحبسينك (شعر محمد صلاح عبدالسلام فودة)

ﻭﺣﺒﺴﻴﻨﻚ ﻓﻲ ﺳﺠﻦ ﻛﺒﻴﺮ


ﻣﻠﻮﺵ ﻗﻀﺒﺎﻥ


ﻭﻣﻨﻌﻴﻨﻚ ﺗﺸﻮﻓﻲﺍﻟﺸﻤﺲ


أﻭ ﺿﻮﺀ ﺍﻟﻨﻬﺎﺭ


ﻣﺤﻮﻃﻴﻨﻚ ﺑﺤﺮﺍﺳﻬﻢ


ﻭﺣﺮﺍﺳﻬﻢ ﻛﻤﺎﺍﻟﺸﻴﻄﺎﻥ


ﻣﺤﻮﻃﻴﻨﻚ ﺑﻤﻠﻴﻮﻥ ﻧﺍﺭ


ﻭﻋﻤﻴﻨﻚ ...ﻭﻣﻨﻌﻴﻨك تبصي لفوق


ﻭﻗﺘﻠﻴﻨﻚ
ﻭﻗﺎﻟﻮﺍ ﺍﺣﻨﺎ ﺍﻟﻠﻲ ﻟﻘﻴﻨﻚ


ﺧﺮﺍﺏ ﻓﻲ ﺧﺮﺍﺏ


ﻭﻗﺎﻟﻮﺍ إﺣﻨﺎ ﺍﻟﻠﻲ ﺣﺎﻣﻴﻨﻚ
ﻣﻦ ﺍﻷﻏﺮﺍﺏ


ﻭﺩﺍ ﺍﺻﻠﻪ ﻓﻲ ﻋﺮﻓﻬﻢ ﺟﺎﻳﺰ
ﻭﺷﺊ ﻭﺍﺭﺩ


ﻋﺸﺎﻥ ﻳﺤﻤﻮﻛﻲ ﻳﺆﺫﻭﻛﻲ


ﻭﺑﺎﺳﻢ ﺍﻟﺜﻮﺭة ﻳاﺨﺪﻭﻛﻲ


ﻋﻠﻲ ﺧﺮﺍﺑة


ﻭﺑﺎﺳﻢ ﺍﻟﺸﺮﻉ ﺍﻧﺘﻲ ﺣﻼﻝ


ﻭﻓﻴﻪ ﻟﻤﻪ ﻭﻓﻴﻪ ﻣﺄﺫﻭﻥ ﻭﻓﻴﻪ ﻋﺰﺍﻝ


ﻭﻛﻠﻪ ﺣﻼﻝ


ﻋﻠﻲ ﺳُﻨة ﺭﺳﻮﻝﺍﻟﻠﻪ


ﻭﻋﻠﻲ ﻣﺬﻫﺐ ﺍﺑﻲ ﺍﻟﻨﻌﻤﺎﻥ


ﺩﺧﻠﺘﻲ ﺍﻟﺴﺠﻦ ﻭﻳﺎﻫﻢ ﻭﻋﺮﻭﻛﻲ


ﻭﻛﺎﻧﻮﺍ ﺯﻣﺎﻥ ﻳﺤﻮﻟﻮ ﻛﺘﻴﺮ ﻭﻳﻐﺮﻭﻛﻲ


ﻭﺍﻫﻮ ﺩﻟﻮﻗﺘﻲ ﻣﻐﻠﻮﺑة ﻋﻠﻲ أﻣﺮﻙ


ﻓﺮﻛﺒﻮﻛﻲ


ﻭﺑﻴﻜﻲ ﻛﺘﻴﺮﺍﻫﻢ ﺩﺧﻠﻮﺍ ﻭﺫﻟﻮﻛﻲ


ﻳﺨﺶ ﺣﻤﺎﺭ ﺑﺒﺮﺷﻤﺘﻴﻦ
ﻳﻨﻬﻘﻠﻮﺍ ﺑﺪﻝ ﺍﻟﺸﻮﻳﻪ ﺍﺗﻨﻴﻦ
ﻭﻳﺨﺮﺝ..


ﻭﻳﺠﻲ ﺣﻤﺎﺭ ﺗﺎﻧﻲ ﺑﺒﺮﺷﻤﺘﻴﻦ
ﻳﻨﻬﻘﻠﻮﺍ ﺷﻮﻳﻪ ﻓﻴﺨﺮﺝ
ﻭﻳﺠﻲ  ﺑﺪﻝ ﺍﻟﺤﻤﺎﺭ ﺍﺗﻨﻴﻦ


ﺩﺍ ﺣﺘﻪ ﺍﻟﻮﺍﺩ
ﺭﺿﻊ ﻣﻨﻚ


ﻭﻗﺎﻝ ﻓﻲ ﺷﺮﻓﻚ ﻛﻼﺍﺍﻡ
ﻛﺘﻴﺮ  ﻳﺎﻣﺎ  ﻭﺣﺶ ﻋﻨﻚ


ﻭﺣﺘﻲ ﺍﺳﺄﻟﻲ ﺇﺧﻮﺍﺗﻚ ﻓﻲ ﺑﻨﻲ ﺳﻮﻳﻒ


إﺳﺄﻟﻴﻬﻢ


ﻳﻤﻜﻦ ﺍﻧﺎﻣﺠﻨﻮن
ﻳﻤﻜﻦ أﻧﺎ ﻋﻘﻠﻲ ﻣﻬﺶ ﻣﻮﺯﻭﻥ
ﻳﻤﻜﻦ أﻧﺎ ﺧﺮﻓﺖ ﻭﻛﻼﻣﻲ ﺩﺍ ﻛﻠﻪ ﻇﻨﻮﻥ


ﺳﺄﻟﺘﻴﻬﻢ


ﻭﻋﺮﻓﺘﻲ  ﻣﻴﻦ ﺻﺎﺩﻕ  ﻭﻣﻴﻦ ﻣﺠﻨﻮﻥ


ﻭﻋﺮﻓﺘﻲ ﻟﻴﻪ ﺷﺮﻓﻚ ﺍﺗﻤﺮﻣﻂ
ﺍﺗﻤﺮﻣﻂ ﻓﻲ ﻛﻞ ﻣﻜﺎﻥ


ﺍﺗﻤﺮﻣﻂ  ﺣﺘﻲ ﻣﻦ ﺍﻟﺴﺠﺎﻥ ﻭﻋﺮﻓﺘﻲ ﻟﻴﻪ ﺍﺗﻤﺮﻣﻄﻮﺍ ﺇﺧﻮﺍﺗﻚ ﻓﻲ ﻛﻞ
ﻣﻜﺎﻥ ﻋﺮﻓﺘﻲ ﻟﻴﻪ ﺍﺗﻤﺮﻣﻄﻮ ﺑﻨﺎﺗﻚ
ﺣﺘﻲ ﺍﻟﻠﻲ ﻓﻲ ﺍﻟﻤﻴﺪﺍﻥ


ﻋشان ﺫﻟﻮﻛﻲ ﻡ ﺍﻻﻭﻝ
ﻋﺸﺎﻥ ﺭﻛﺒﻮﻛﻲ
ﻭﺳﺠﻨﻮﻛﻲ
ﻭﺳﺤﻠﻮﻛﻲ
ﻭﻗﺘﻠﻮﻛﻲ
ﻭﺑﺎﺳﻢ  ﺍﻟﺸﺮﻉ ﻭﺍﻟﺸﺮﻋﻴﻪ  ﻭﺍﻟﺜﻮﺭﻩ  ﺧﺎﻧﻮﻛﻲ
ﺧﺎﻧوﻜﻲ  ﻳﻮﻡ  ﻣﺎ ﺍﻧﻘﺘﻠﻮﺍ  ﺍﻟﺠﻨﻮ ﺩ ﺑﺎﻟﺮﺻﺎﺹ
ﻳﻮﻡ  ﻣﺎ  ﻧﺰﻟﻮ ﺍﺍﻟﻤﻴﺪﺍﻥ  ﻋﻠﻴﻨﺎ  ﻓﻲ  ﺍﻟﺨﻼﺹ
ﻭﻳﻮﻡ ﺍﻟﻘﺼﺎﺹ
ﻭﻳﻮﻡ ﻣﺎ  ﺑﺎﻋﻮﺍﺩﻡ  ﺟﻴﻜﺎ ﻭﺍﺑﻮ ﺿﻴﻒ
ﻭﺍﻟﺠﻨﺪﻱ  ﻭﻛﻞ ﺍﻟﻠﻲ ﻣﺎﺗﻮﺍ ﺑﺎﻟﺮﺻﺎﺹ
ﻋﺮﻓﺘﻲ  ﻭﺍﻻﺍﻧﺘﻬﻲ ﺍﻟﻤﻮﺿﻮﻉ
ﻭﺧﻼﺹ
ﻣﺎ ﺧﻼﺹ .. ﻣﻬﻢ ﺳﺠﻨﻮﻛﻲ

صَرخَةُ الرّوح ( شعر محمد خالد زريق فرحات )

تَهوي الخُطُوبُ  على   أَحوالِـنَـا  حِـلَلاً         تَضيقُ بالنَّفـــسِ  والأَعــناقِ  والبَدَنِ

فَــلا مَــلاذَ  لَـنَـا مـِن  حَـرِّ جُـذْوَتِــهَا         ولا طُــهُورَ  لَــنَا  يُـنـجِي  مِنَ الأَسَــنِ

لُــبسَــاً  لَبوسَاً  يَشُـدُّ  الحَبـلَ  يُـــوثُقُهُ         يَحشُو الذِّرَاعَ مع الأجسادِ في الكَفَنِ

تُدْمَى البَنَانُ مِنَ الأَظْفَارِ إِنْ حُشِرَتْ         فِي جُعْبَةٍ مِنْ منـايـا الدَّهـرِ وَ المِـحَنِ

انظُرْ تَرَى الــبَــينَ فِي الأَقوامِ إِذْ صُرِمُوا         فــلا تَــكَادُ تَـرَى وَصلاً مِــنَ الهَــوَنِ

حتّى لِيـُبعَثَ   طِفلٌ  مــن   رُفَـاتِـهِمُ         يبكي  على  أَثَــرِ  الأقوامِ  و  المُدُنِ

يَشــكو بِصوتٍ علا في  ساكنِ  الظُّلَمِ         يَغدُو  صَفيرَ السَّما في مَسمَعِ الزَّمَنِ

كَــفـــِّي كَــقَـافِـلَـةِ  الأَحـزَانِ   حَـامِـلَةً         دَمعَ  الشّـــــــآمِ  إلى  بَاكِيه ِ في اليَمَنِ

يا  وَاحَةَ  الرُّوحِ  إنَّ  القَومَ في  ظَمَئٍ        أيـــّانَ مِنك  النِدَا  و  الوَاحُ  في  وَهَنِ

يَا حَامِلَ  اللَّيلِ إِن أَرجُوكَ مِن سَكَنٍ        يَا حَامِلَ النَّجمِ اجعلْ في السَّنا سَكَنِي

كم بَاعَدَ النَّاسُ نورَ الحرفِ عن قَلَمِي       حتّى يـُـثــــَـارَ غُبَارُ  الحِقدِ  و   الدِّمَنِ

يُبقِي  لَنَا  الطفلُ  بعضاً  من كرامتنا        يـطوي  الجِـراح  كـطيّ   البحرِ  للسفنِ

يُجمّعُ   الكــلـمـاتِ  الغــُـرَّ  يــُرسِــلُها        فِعلَ  الشَّـــتيتِ  مع  الآمـالِ والـظّــنَــنِ

يُــدوِّنُ  الجُــوعَ   و الآلامَ  في  ورقٍ         فلا  يُغَيِّرُ  سِـــــــــرَّ    الأَمرِ   من  عَلَنِ

الشّـــــعرُ  آهةُ  عُمري  و ابتِسَــامَتُهُ        و صَرْخَةُ  الحُبِّ  و  الحِرمَانِ  و الفِتَنِ

و قِصَّةُ  الجَّهلِ  لُؤمُ النَّفسِ و النَّفَسِ         و بسمَةُ  العينِ طَرْفُ الغَمضِ في الوَسَنِ

أهدتْ  ليَ  الرّيحُ  حبّاً  مِنْ سَنَابِلِهِ         و الطّيرُ  بَاحَت  بِسرِّ  الحَرفِ  للغُصُنِ

و البدرُ غَازَلَ نَجماً منه في سَــهَرٍ           و النَّجمُ في سِـــــنَةٍ و السِّـحرُ في جُفُنِي

إنّي  إِذَا  ضَاقَتِ  الدّنيَا   أَلُوذُ  بِهِ           لَوذَ  الغَريبِ  بِحُضنِ  كُلِّ  ذي  وَطَنِ

حلم عمرى (شعر هدى شعبان السيد عبد العظيم)

نَفَسى الطالع ليه بيصارع أجدع من أجدعها مصارع حالف ليفوز بالعالمية
هو وعقلى اتفقوا عليا
هاتكون يوم سكتتى أبدية
إذا ما وقفت ف وش زمانى
أوعَّرفت الناس
بمكانى قالها قلبى قبل لسانى
أنا مش راح أتحمل تانى
إنى أعيش
العمرأمانى
ويموت حلمى ف قلب الدمعة
وأصرخ جوه قلوب مش سامعة
ف يوم هايفوز
الأمل الطارح حلم امبارح
أيّوة هافوز
لازم أفوز

بحر الحياة (شعر شريهان فؤاد محمد سرور)

بحر الحياة خضمٌ ثائرُ الحممِ

أبحرت فيه بلا خوفٍ ولا سأمِ

أهيم في البحر والأمواجُ تلطمني

أصارع الموجَ بالأخلاقِ والقيمِ

أغوص في البحر والحيتان ترقبني

فأتقيها بتقوى خالق الأمـم

أنا اللبيب إذا ما انتابني قلقٌ

ذكرتُ ربي والأذكار من شيمي

إذا أُصِبتُ بضراءٍ صبرت لها

وإنْ يُسرًا فإني شاكر النعم

لم أخشَ يوما من الدنيا موليةً

وما فرحت بها فالحالُ للعدم

ما كنت والوغدُ إذ أبدى مساوِئَهُ

إلا كما البدر للسارين فـي الظلمِ

عرضي عفيفٌ عن الأدناسِ أحفظه

لا يؤمَنُ الذئبُ كي يرعى مع الغنمِ

أكف شري فلا أوذي به أحدا

والخير أزجيه في قولي وفي قلمي

أضاحك الصحبَ مسرورًا برؤيتهم

لا حبذا كل خلٍ غير مبتسمِ

وليس من خُلقي قهر اليتيم ولا

نهر الضعيف ولا التشكيكُ في الذمم

ولست أرجو سوى الرحمن مسألةً

ولن أمدَّ يدي يومًا ولا قدمي

وإن أتاني من يرجو مساعدتي

أعطيه دونما من ولا ندم

إني لأرجو من الغفار مغفرة

أنجو بها في مقام حالك الظلم

لا أبغض الناس إلا عند معصية

فإن تولت توارى البغض للعدم

إذا سمعت حديثا من رويبضة

أظهرت أني مصاب الأذن بالصمم

ولست أصغى لنمام هوايته

قطع الصلات وتفريق لذي الرحم

أما الحسود فإني لا أجالسه

شر العباد خبيث النفس والشيم

أوفي بوعدي صديقي لست أخلفه

ولست أنقض عهدا خط بالقلم

السر عندي في بئر معطلة

إن أودعونيه لم أظهره فوق فمي

الصبر راحلتي والحلم منسأتي

نهلت من ساحل المعروف والكرم

أعاهد العلم عمري غير منشغل

بما وراءك يا دنيا من النعم

المجد تطلبه نفسي فتبلغه

ولست أرضى سوى التحليق في القمم

"أنا الميت" (شعر عمر طوسون السيد آدم)

أنا الميت أو العايش لكن صدفة

أنا الدمعة اللي تنزل من عينين طفلة

أنا اللي فريد

أنا الحاجة اللي مختلفة

أنا اللي ف عز ليل طوبة

بكون شمسك الدافية

فتبقي الدنيا بعد الغيم أكيد صافية

أنا اللي ف عز حر الصيف بكون نسمة

أنا الرسام وأنا الفُرشا

وأنا الألوان وأنا الرسمة

أنا الإيد اللي تلمس شعر طفل يتيم

******

أنا اللي مليش ولا لزمة

أنا الأزمة

أنا المضروب وبالجزمة

أنا اللي مفيش في قلبي عيوب

لكن معيوب

أنا المسلوب

أنا المصدوم أنا المحروم

أنا اللي مش شايف نور السما

من كتر ما ملتها الغيوم

في ناس بتعيش تعيسة لحظة

وأنا اللي بعيش تعيس أيام

في نفس اليوم

******

أنا الصورة اللي ع الحيطة

أنا الدقة اللي ف الزيطة

أنا الشيش اللي بات مقفول

أنا الخيط وأنا النول

أنا المقتول

******

أنا الموجود في دنيا ما عدش ليها وجود

أنا المَية اللي تجري مهما حطو سدود

أنا اللي فاكرين أنه بات مهدود

لكنه فاق وقال هيعود

******

أنا اللي مليهش أي عيون

لكن بيشوف

أنا اللي شال من قلبه جدور الخوف

أنا اللي اتحدى أقوى ظروف

أنا اللي كانوا عاوزينه يعيش معلوف

أنا المحذوف

******

أنا اللي كانوا عايزينه يعيش ف عذاب

أنا اللي قفلوا في وشه الباب

أنا العايش في دنيا بيحكمها قانون الغاب

أنا الكداب

أنا اللي كانوا عايزينه يموت يتساب

أنا قادم عشان فاهم

وأنا الفايز بدون أسباب

أحلام فارغة (شعر محمد طلعت عبد المنعم)

حصالة الأحلام بقت خاوية

ومش مليانة غير أحزان

خيط الأمل ملضوم

فـ إبرة حظك المنحوس

عكازك المِتحني بالأمجاد

اتقشرت صورته

والفرق بينه وبين جدار خيبتك

مبقاش كبير

باب الرجوع اتقفل

والضلمة بتحاوط ربوع صدرك

دخان سيجارتك

عمّال بيخنق قلبك المليان ذنوب

فنجانك المقلوب

نفسه يلمس شفتك

ويحس نشوة الانتصار

ماتش الحياة

اللي انت وافقت تلعب فيه

ناقص عدد

وقبلت تتنازل

عن حقك المطعون بخنجر من زمان

فات الأوان

علشان تطالب بالرجوع للمستحيل

فافرد أمانيك فـ المدى

واركن مشاعرك ع الرفوف

واسحب نفس

يمكن يكون آخر نفس

هيزغزغ البسمة فـ ضلوعك

ويداري إحساس الوداع

وصيةٌ أخيرة (شعر صالح أبو المجد الشافعي)

ستذبل أغنيات - فى مسامعنا - مكررة

فهاتى يا سعاد الماء وانصرفى

فقد يأتى الخريف مباغتا

ينسلّ بين حماقتين

وخنجرٍ

لا جرح يعرف نفسه بين الخناجر

حين ينقسم المدى تحت الغبار

موائدا( للبنج بونج)

ويمرح الفرسان

تُستأنس ..... سيوف الله فى بعض المتاحف

والخيول تنام فى الأرض السراب

ستختنق المواويل العقيمة

بين أطلال الكتاب

فهاتى يا سعاد الناى وانصرفى

ولا تخفى

أحبك لا تغارى الآن

لا وقتا لغيرتك الجميلة

سوّرى عينى بعينيك

وهاتى الناى وانصرفى

العيون هى العيون

وكل ثعبان يرابض فى جلابيب الكلام

لسوف يخرج

عاريا

متخبطا من مس أنغامى

فهاتى الناى شرطيا- بدائيا

نظيفا

لم يلوثه القرامطة الكبار

بزيف جيتار-

ليخرج ما تبقّى

فى جيوب المستحيليين

وانصرفى لطفلك

هيئيه لحصة التاريخ

والشعر الحماسى القديم

وأطلقى بعض البخور

على حبيبته

ودسى (ساندوتش الفول) بين

متاعه

ثم اطبعى قبلا مرقمة بأسمائى

بترتيب الحروف الأبجدية

واقرأى من سورة الأنفال حزبا آخرا

ودعيه للتاريخ يطحنه تواريخا صغارا

هكذا أطفالنا

فلتحفظى طقس الطفولة يا سعاد الآن

وانصرفى

كأجمل وردة خطرت على بال الحدائق

كالهواء بلا رجولته

نسيما رائعا ومشبّكا يده بأيدى فراشتين

تحلقان به ليشرب قهوة مضبوطة

بين الملائكة الذين يفتشون الطالعين

إلى سماء قصيدتى

هيا استعدى للقتال الملحمى

مسجلا سيُبث بعد النشرة الجوية اصطبرى

فهل نمتى ؟

سآخذ فى اعتبارى النوم

أرفعه على اليوتيوب من أرض القتال

فربما سأموت فى البث المعاد

ستعرفينى جيدا من مشيتى بين الفوارس

يا سعاد وإننى شادى:

أنا جابى العرانين            بأسيافى الطواحين

أعلقها على كتفى            بأمعاء الشياطين

فهاتوا أنفكم طوعا         أعدّوها لسكينى

أنا جابى العرانين           ومجنون الميادين

رأيتينى؟

فعذرا لست مرتديا تمائمك القديمة

بعتهن لأشترى سيفا جديدا

هل رأيتينى ؟

جُرحت الأن والدم سارق يجرى

بكل مرونة

فلتدخلى من شاشة التلفاز

هاتى الماء وانصرفى سريعا

مثل موجات الإزاعة

يا سعاد وهرولى

إن السيوف لواحق

لا تخبرى أحدًا بأنى  ..........

أو بأنى .............

يا سعاد

وهرولى